Gjykata Themelore në Pejë ka hedhur poshtë kërkesën e prokurorit Rasim Maloku për caktim të masës së sigurisë për vilat e sekuestruara në Brezovicë.
Këtë e ka bërë të ditur zëdhënësja e Gjykatës Themelore të Pejës, Tringa Zhuti.
“E konfirmojmë se me Urdhrin e Gjykatës Themelore në Pejë UGJK.nr.161/22, të datës 06.07.2023, është hudhë si e pasafatshme kërkesa e Prokurorisë Themelore në Ferizaj për masë të përkohshme për sigurimin e pasurisë së sekuestruar”, ka thënë Zhuti, për Betimi për Drejtësi”
Ndryshe, Gjykata Themelore në Pejë në nëntor të 2022, pas kërkesës së Prokurorisë Themelore në Ferizaj, kishte lëshuar urdhër për sekuestrim të përkohshëm të villave në zonën e II-të të Pakurt Kombëtar “Sharri”, në Brezovicë.