Gjykata e lartë pakistaneze urdhëroi autoritetet e burgut që ta zhvendosin ish-kryeministrin e burgosur Imran Khan në një spital privat për trajtim mjekësor.
Gjykata Supreme u dha udhëzime autoriteteve që të formonin një bord mjekësor prej pesë specialistësh dhe të lejonin motrën e Khanit, Uzma Khan, dhe mjekun e tij personal, Faisal Sultan, të merrnin pjesë në trajtimin e tij, sipas Al Jazeera-s.
Gjykata gjithashtu lejoi Khan-in të takohet me familjen javore dhe të telefonojë dy herë në javë me dy djemtë e tij që jetojnë në Londër, ndërsa i ndaloi familjes, partisë politike dhe avokatëve të Khan-it të diskutonin publikisht për shëndetin e tij derisa çështja të dëgjohet përsëri më 16 shtator.
Ndwrkohw, qeveria pakistaneze ka bërë një peticion kundër këtij vendimi duke argumentuar se gjykata anashkaloi procedurat ligjore duke urdhëruar transferimin e Khan pa dëgjuar më parë autoritetet e burgut dhe paralajmëroi se të burgosur të tjerë mund të kërkonin trajtim të ngjashëm.
Khan, 73 vjeç, ka qenë në burg që nga gushti i vitit 2023 pas dënimit të tij në disa raste që ai dhe partia e tij Pakistan Tehreek-e-Insaf (PTI) thonë se ishin të motivuara politikisht.
Gjatë vitit të kaluar, shqetësimet për shëndetin e tij, veçanërisht shikimin në syrin e djathtë , kanë nxitur ankesa të përsëritura në gjykata nga familja dhe partia e tij.
