Një gjyqtar federal të dielën vonë bllokoi përkohësisht administratën Trump nga vendosja e ndonjë njësie të Gardës Kombëtare në Oregon.
Kjo erdhi pas një vorbulle ligjore që filloi orë më parë kur presidenti amerikan mobilizoi trupat e Kalifornisë për në Portlandë pasi që i njëjti gjyqtar e bllokoi atë nga përdorimi i Gardës Kombëtare të Oregonit një ditë më parë.
Gjatë një seance dëgjimore telefonike të mbrëmjes të thirrur me nxitim, gjykatësja e distriktit amerikan Karin Immergut dha një urdhër të përkohshëm kufizues të kërkuar nga Kalifornia dhe Oregoni, shkruan AP.
“Si mund të mos jetë sjellja e Gardës Kombëtare të federalizuar nga Kalifornia në kundërshtim të drejtpërdrejtë me urdhrin e përkohshëm kufizues që lëshova dje?” e pyeti ajo avokatin e qeverisë federale, duke e ndërprerë fjalën.
“A nuk po e anashkalojnë të pandehurit thjesht urdhrin tim?”, tha ajo më vonë. “Pse është e përshtatshme kjo?”
Shtëpia e Bardhë nuk e komentoi menjëherë vendimin e gjyqtarit.
