Gjuhë fyese e denigruse, ka filluar të përdoret ditët e fundit mes akterëve të dy taborebe politike, Partisë Demokratike të Kosovës dhe Lëvizjes Vetëvenendosje.
Disa shkrime të ish deputetes së LVV-së, Adriana Matoshi drejtuar kryetarit të Skenderajt, nuk u pritën mirë nga ky i fundit.
Ai e përshkallëzoi gjuhën, duke përdorur shprehje fyese e denigruese.
Gjuha e tillë në prag fushate, po kritikohet nga analist të politikës.
“Totalisht e panevojshme, mund të them se është një gjuhë vulgare e cila është e papranueshme për opinionin publik dhe mendoj se subjektet politike duhet të tregojnë maturi për retorikën e tyre e cila mund të krijojë situata të panevojshme në shoqëri”, tha analisti Selam Shkodra.
Kjo situatë, sipas profesorit universitar, kontribuon vetëm në polarizim të shoqërisë.
“Derisa në zgjedhjet e fundit nacionale, kemi pasur vetëm një parti politike e cila e ka mbajtur këtë lloj të gjuhës në diskurs publik, tashmë e shohim se edhe kampet e tjera politike e kanë zgjedhur gjuhën polarizuese si teknikë të fushatës zgjedhore. Problem qëndron se kjo gjuhë e dëmshme, lë pasoja në shoqëri, lë shoqërinë të përçarë dhe në mugesë të unitetit për çështje që janë në interes public”, deklaroi profesori universitar, Alban Zeneli.
Gjuhë e papërshtatshme nga politikanët, së fundi pati edhe ndaj gazetarëve.
