Këtë e ka bërë të ditur përmes një njoftimi Policia e Kosovës, ku kanë thënë se një person është plagosur dhe të njëjtit i është ofruar trajtimi i nevojshëm mjekësor.
“Me të marrë informatën, policia ka dalë në vendin e ngjarjes dhe nga informacionet e para është bërë e ditur se një person ka marrë plagë nga arma e zjarrit. Ndërkohë që të plagosurit i është ofruar trajtimi i nevojshëm mjekësor, policia ka vazhduar me veprime të tjera operativo-hetimore dhe atyre të ekzaminimit me ç’ rast në vendngjarje ka gjetur dhe sekuestruar; Një revole të tipit TT, të kalibrit 7.62 mm, e cila dyshohet të jetë arma e përdorur në rast, si dhe një copë fishek të kalibrit të njëjtë”, thuhet në njoftim.
Sipas PK-së, tre persona janë të përfshirë në rast të cilët janë dërguar në mbajtje.
Thellimi i hetimit policor me synim , identifikimin dhe lokalizimin e të dyshuarve ka rezultuar me kapjen e tyre nga ana e policisë dhe për rrjedhojë me aktvendim mbi ndalimin e personave të arrestuar të nxjerrë nga ana e prokurorit të shtetit tre të dyshuarit e përfshirë në rast; Sh. S, mashkull, 17 vjeç, shtetas i Republikës së Kosovës, A, A mashkull, 26 vjeç, shtetas i Republikës së Kosovës, si dhe,S. A, mashkull, 30 vjeç, shtetas i huaj, janë dërguar në mbajtje në dyshimet për veprat penale ‘Shkaktim i rrezikut të përgjithshëm’ si dhe ‘Mbajtje në pronësi në kontroll ose posedim të pa autorizuar të armës’”, është bërë e ditur në njoftimin e Policisë. /teve1.info/
