Përmes një njoftimi për media nga PK-ja kanë bërë të ditur se tre të dyshuarit për gjuajtje me armë zjarri janë të njohur për policinë por gjinden jashtë shtetit.
“Pasi që është marr informata se me datë 24.07.2022, në fshatin Vlashnje KK Prizren, në një familje, gjatë një dasme ka pasur gjuajtje me armë zjarri, policia, konkretisht Stacioni Policor Prizren, ka kryer veprime hetimore-operative dhe ka arritur që ta identifikoj lokacionin e saktë dhe personave që kanë gjuajtur me armë të zjarrit, dhe atë tre arme të tilla. Me datë 17.08.2022 rreth orës 09:00 është kryer bastisje në lokacionin e parë në fshatin Vlashnje. Gjatë bastisjes janë gjetur gëzhoja të dy armëve të vogla (pistoleta), kurse asnjë armë nuk është gjetur. Në procedim të rastit kemi pranuar informata shtesë për personat e dyshimtë dhe gjatë bastisjes në dy lokacione të tjera po në Vlashnje, Prizren, është gjetur dhe sekuestruar një pushkë automatike (AK 47), kurse tre të dyshuarit për gjuajtje me armë zjarri janë të njohur për policinë por gjenden jashtë shtetit”, thuhet në njoftim.
Sipas Policisë, rasti është iniciuar “Mbajtja në pronësi, kontroll të paautorizuar të armës”. /teve1.info/
