Mbrëmjen e sotme në Bregun e Diellit në Prishtinë ka pasur të shtëna armësh.
Lajmin e ka konfirmuar për teve1.info, zëdhënësi i policisë për rajonin e Prishtinës, Agron Borovci, i cili tha se në vendin e ngjarjes janë gjetur dhe sekuestruar disa gëzhoja, si dhe deri më tani nuk raportohet për persona të lënduar.
Tutje, thuhet se policia po punon në mënyrë aktive për të mbledhur më shumë informacion rreth identifikimit të të dyshuarve.
“Rreth orës 21:30 është raportuar për të shtëna me armë zjarri në lagjen Bregu i Diellit në Prishtinë. Policia menjëherë ka dalë në vendin e ngjarjes dhe ka ndërmarrë të gjitha veprimet e nevojshme policore. Nga veprimet e para policore në vendin e ngjarjes janë gjetur dhe sekuestruar disa gëzhoja, ndërkohë që deri më tani nuk raportohet për persona të lënduar. Përderisa policia po punon në mënyrë aktive për të mbledhur më shumë informacion rreth identifikimit të të dyshuarve, në të njëjtë kohë po vijon punën hetimore me qëllim zbardhjen e plotë të rrethanave të kësaj ngjarjeje”, ka thënë ai.
