Një person ka mbetur i plagosur sot rreth orës 11:00, në lagjen “Dardania” në Prishtinë, si pasojë e gjuajtjes me armë nga një person tjetër.
Zëdhënësja e Policisë për rajonin e Prishtinës, Flora Ahmeti për teve1.info, tha se Policia ka dalë në vendin e ngjarjes dhe ka marrë veprimet e nevojshme.
“Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare dyshohet se nga një person është plagosur dhe i njëjti është dërguar për tretman mjekësor”, tha ajo.
Teksa shtoi se “hetuesit policor në koordinim me prokurorinë, po ndërmarrin veprimet hetimore për arrestimin e personit të dyshuar ( i cili është identifikuar) si dhe ndriçimin e plotë të rastit”./teve1.info./
