Policia e Kosova ka gjobitur një shofer të autobusit i cili ka bërë tejkalim në vijë të plotë.
Përmes një njoftimi, PK ka njoftuar se ndaj të njëjtit është shqiptuar një gjobë prej 200 euro, 2 pikë negative dhe për tre muaj masë mbrojtëse, heqje e patentë shoferit.
“Policët e Komunikacionit Rrugor në Ferizaj kanë ftuar shoferin e autobusit V.M (M/K) i moshës 34 vjeçar, i cili me autobus ka bërë tejkalimin në vijë të plotë të një veture. Ndaj tij policia i ka shqiptuar një gjobë kundërvajtëse prej dyqind (200) euro, dy (2) pikë negative, dhe për tre (3) muaj masë mbrojtëse, heqje e patentë shoferit. Kjo informatë është dërguar nga një qytetar me fotografi. Policia Rajonale e Ferizajt do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelojmë tek shoferët që të bëjnë kujdes në komunikacion, të mos bëjnë tejkalim në vijë të plotë”, thuhet në njoftimin e Policisë.
Ndër të tjerash, u është bërë apel të gjithë qytetarëve që për të gjitha kundërvajtjet që shkaktohen në komunikacion, të njoftojnë menjëherë Policinë./teve1.info/.
