Drejtori i Drejtorisë së Inspeksionit në Komunën e Prishtinës, Florian Dushi njofton se kanë gjobitur qytetarët të cilët kanë ndryshuar rrjedhën e lumit Llap në fshatin Barilevë.
Ai po ashtu bën të ditur se pjesa e shtratit të lumit është kthyer në gjendjen e tij të mëparshme, përcjell teve1.info
“Qytetarë të papërgjegjshëm kanë ndërhyrë dhe kanë ndryshuar pjesërisht rrjedhën e lumit Llap në fshatin Barilevë. Pas pranimit të njoftimit, Inspektorati i Kryeqytetit ka ndërhyrë dhe ka kthyer pjesën e shtratit të lumit në gjendjen e tij të mëparshme – të natyrshme. Palët janë gjobitur dhe për këto veprime janë njoftuar edhe organet e rendit dhe të drejtësisë për të vazhduar me procedura tjera të mëtejshme”, ka shkruar ai në Facebook.
