Gjobë prej 500 euro iu shqiptua dy autobusëve në Ferizaj.
Kjo pasi të njëjti nuk kishin kryer kontrollet teknik automjetet ashtu siç parashihet me ligjet në fuqi.
“Më 05.08.2025, në Ferizaj, gjatë kontrollit të dy autobusëve me targa vendore, është konstatuar se mungonin certifikatat e kontrollit teknik gjashtëmujor. Për këto kundërvajtje, në bazë të Ligjit për Automjete nr. 05/L-132, është shqiptuar nga një gjobë prej 500 euro për secilën kompani”, thuhet nga Policia e Kosovës.
E këtyre kontrolleve, autobusët e linjës urbane në Prishtinë, thonë se i nënshtrohen vazhdimisht.
Inxhinieri i komunikacionit, Astrit Zejnullahu i cili punon këtu ka dhënë detaje rreth këtij procesi.
“Është kontroll periodike dhe kontroll e rregullt që bëhet një herë në vit dhe periodikja që bëhet çdo gjashtë muaj. Autobusët tonë e kanë obligative me u bë kontroll teknike, siç jeni duke parë edhe prapa që është duke iu bërë kontroll periodike”, ka thënë ai.
Por çka parasheh kontrolli teknik i automjeteve.
“Si parashihet edhe me ligj brenda kontrolle teknike parashihet testimi komplet teknik që me pa që a është i aftë ai automjet me dal në trafik, pra që përfshihet nga sistemi i drejtimi, ndriçimit, amortizimit”, thotë Zejnullahu.
Edhe sipas ekspertit të komunikacionin kontrolle të tilla janë më se të nevojshme për sigurinë në trafik.
“Kontroll autobusit duhet të bëjmë çdo fillim të rrugës, që të shohim a kemi ndonjë defekt. Kontrolli teknike bëhet kur regjistrohet dhe me nuk ka nevojë të bëhet, por nëse ka probleme duhet të dërgohet të mekaniku”, thotë Lavdim Hamiti.
Kontrolli teknik i automjeteve është i detyrueshëm me ligj në Kosovë dhe kryhet një herë në vit, si dhe periodikisht çdo gjashtë muaj për disa kategori automjetesh.
