Inspektorati i Kryeqytetit ka shqiptuar një gjobë në vlerë prej 200 euro ndaj një qytetari, i cili është konstatuar duke hedhur mbeturina vëllimore në kundërshtim me rregulloret në fuqi.
Sipas autoriteteve, inspektimet në terren po vazhdojnë çdo ditë me qëllim parandalimin e ndotjes dhe ruajtjen e pastërtisë së hapësirave publike. Inspektorati ka bërë të ditur se çdo shkelës i rregullave do të përballet me masa ndëshkuese sipas legjislacionit në fuqi.
Autoritetet komunale apelojnë te qytetarët që të respektojnë rregullat për menaxhimin e mbeturinave dhe të kontribuojnë në ruajtjen e ambientit.
“Ta mbajmë Kryeqytetin të pastër – përgjegjësia është e përbashkët,” thuhet në njoftimin e Inspektoratit./teve1.info/
