Por, i ftuar në “Respublika” në tëvë1 ai thotë se nëse një kërkesë për shtyrjen e këtij vendimi vjen nga bashkësia ndërkombëtare, atëherë ajo duhet marrë seriozisht.
“Qeveritë kur marrin vendime duhet me qenë në gjendje me i mbajtë ato me i respektu vendimet. Për këtë kur marrim vendime duhet me mendu shumë se çfarë po marrin. Besoj që nuk është e këndshme për Kosovën, jo për Qeverinë Kurti më u marrë një herë me u shty, mua nuk më duket diçka që më bën me u ndje mirë, mirëpo nëse një ndjenjë e keqe e momentit shkakton pas negative duhet me shqyrtu”, tha ai.
Madje, Gjini ka ironizuar me këtë vendim nga kryeministri, Albin Kurti duke thënë se “duhet të dijë si po hyn në ujë, por edhe si do të dalë”.
“Nuk e di Qeveria ka më shumë info, por nëse të gjithë partnerët e bëjnë një kërkesë politikisht është gabim çka po bëj dhe me vetëdije po e bëj, duhet atë kërkesë me marrë seriozisht edhe ndoshta me mësu herave tjera kur marrim vendime me pasë ma të qartë çfarë po marrim, ne themo: duhet me ditë qysh po hin në ujë, por edhe qysh del, Qeveria po i shkakton gunga në rrugë vetes”, shtoi ai.
Tutje, ai thotë me këtë vendim Kurti është ngutur paksa, teksa shton se vendimi i takon atij për shtyerje apo jo të vendimit si dhe kërkon që të ketë më shumë koordinim me bashkësinë ndërkombëtare.
“Nuk e di, po shprehem ,po mendoj se është ngutë, por tash ai le të vendos a don me mbajt vendimin a jo. Këshilla ime të isha këshilltar i tij kishte me qenë me pas kujdes edhe me u koordinu me partnerë ndërkombëtarë. Tash Kurti e sheh që nuk kanë qenë total naiv të tjerët, të padijshëm dhe që nuk i ka munguar vullneti me i krye disa punë por duhet me kuptu realitetin me u ballafaqu me jetë reale, jo imagjinare tash e kupton çka është presioni, mendojke që s’ka me mund me iu bë presion atij, i bëhet se i ka 2 milionë qytetarë”, shtoi ai./teve1.info/