Kryetari i Aleancës, Ardian Gjini pas mos konstituimit të Kuvendit në seancën e 6 gushtit ku LVV nuk propozoi kandidatin për kryetar, ka thënë se vendi ka hyrë në krizë.
Ai ka thënë se kjo është bërë pa asnjë arsye.
Gjini ka thënë se ky është grusht-shtet i brendshëm.
“Nuk ka emër tjetër përpos grusht shtet i brendshëm, i cili nuk realizohet nga falangat ushtarake , por për njerëzve në mënyrën ma brutale e shfrytëzojnë legjitimitetit e brishtë për uzurpimin e institucioneve”, ka thënë ai në konferencën për media, raporton teve1.info.
Ai ka përsëritur se Aleanca mbetet mbrapa zotimit të saj për pranimin e gjashtë pikave.
Gjinia ka thënë se nuk janë të inntersuar të hyjnë në bashkëqeverisje me LVV-në.
Lëvizja Vetëvendosje nuk propozoi emrin për kryetar të Kuvendit në seancën e sotme.
Kryetari i kësaj partie, Albin Kurti tha se kërkojnë kohë që të arrihet marrëveshje për presidentit.
Ai tha se është e rëndësishme që të ketë një marrëveshje pasi sipas tij, konstituimi i Kuvendit dhe formimi i Qeverisë pa marrëveshje për presidentin është e kot dhe vendi do të shkojë në zgjedhje.
