Kryetari i Komunës së Gjakovës, Ardian Gjini ka shprehur ngushëllime për vdekjen e kandidatit për kryetar të Gjakovës, Nikollë Perkaj.
Perkaj ka vdekur në një vetaksident i cili u regjistrua të shtunën pak pas mesnatës në rrugën “Vesli Klark” në Gjakovë.
“Me pikëllim mora lajmin për ndarjen nga jeta të Nikollë Perkaj, kryetar i Partisë Balli Kombëtar Demokrat Shqiptar dhe njëkohësisht kandidat për kryetar të Gjakovës. Shpreh ngushëllimet më të sinqerta familjes, të afërmve dhe miqve të të ndjerit”, ka shkruar Gjini në Facebook.
