Kryetari i Aleancës, Ardian Gjini ka reaguar lidhur me zhvillimet e fundit në vend duke kritikuar kryeministrin në detyrë, Albin Kurtin.
“Sonte Kosovën e shohin me dhimbje qytetarët dhe miqtë tanë! Sonte Kosovën e shohin me gëzim të gjithë armiqtë. Albin Kurti, ti po ia qet faqen e zezë vendit tonë. Po e fut në një rrugë të rrezikshme, në drejtim shkatërrues. Ke për t’u gjykuar rëndë për këtë fatkeqësi që po gatuan. Kosova jonë ka me u forcu, e me u rrit, pa ty. Përkundër dëmit që po ia shkakton. Ndërsa edhe ata që të ndjekin qorrazi, njëjtë do të përfundojnë”, ka shkruar Ardian Gjini.
Kujtojmë se Partia Demokratike e Kosovës, Lidhja Demokratike e Kosovës dhe Aleanca janë mbledhur të premten në ndërtesën e Kuvendit, duke kërkuar që seanca konstituive të vazhdojë sonte, para përfundimit të afatit të përcaktuar nga Aktgjykimi i Gjykatës Kushtetuese.
