Kryetari i Aleancës, Ardian Gjini, u ka bërë thirrje qytetarëve që të marrin pjesë në zgjedhjet që do të mbahen nesër në Kosovë.
Përmes një mesazhi drejtuar qytetarëve, Gjini ka theksuar rëndësinë e votës si mjet për të vendosur për të ardhmen e vendit, duke i ftuar votuesit të ushtrojnë të drejtën e tyre demokratike.
Ai ka apeluar për pjesëmarrje sa më të madhe në procesin zgjedhor, duke e cilësuar votën si vendimtare për drejtimin që do të marrë Kosova në vitet e ardhshme.
“Të dashur qytetarë, nesër, me votën tuaj ju përcaktoni të ardhmen e Kosovës. Dilni sa më shumë dhe votoni. Kjo është ftesa ime për ju. Kjo është ftesa e Aleancës për ju”, ka deklaruar Gjini./teve1.info/
