Mbrojtësi i Kombëtares së Shqipërisë, Berat Gjimshiti ka zënë vend në 11-shen më të mirë të javës së 26-të në Serie A të Italisë.
Formacioni më i mirë i javës është përzgjedhur nga faqja e specializuar për statistika “Sofascore”, e cila ka vlerësuar Gjimshitin me notën 8.
Ai asistoi në njërin prej golave të Atalantas, ekip që triumfoi 5:0 ndaj Empolit vikendin e shkuar.
Gjimshiti ishte startues por u detyrua të largohet nga ndeshja në pjesën e dytë për shkak të lëndimit, i cili pritet ta mbajë jashtë fushës për disa javë.
Për 63 minuta lojë ndaj Empolit, Gjimshiti krahas 1 asistimi pati edhe 22 pasime të sakta, 12 spastrime, 1 ndërprerje të aksionit dhe 6 duele të fituara.
