Mbrojtësi Berat Gjimshiti është futbollisti i vetëm shqiptar që ka zënë vend në formacionin më të mirë të javës së 23-të në Serie A të Italisë.
Futbollisti i Shqipërisë është vlerësuar lart për paraqitjen e tij në barazimin 1:1 të Atalantas kundër Torinos, ndeshje kjo e luajtur javën e shkuar.
Gjimshiti ka shënuar gol në këtë ndeshje dhe ka fituar 8 prej 9 dueleve me kundërshtarët, duke u vlerësuar me notën 8.2, e cila i ka siguruar një vend në formacionin më të mirë të javës.
31-vjeçari është kapiten i Atalantas dhe njëri ndër mbrojtësit më të vlerësuar në Serie A.
Në 32 ndeshje të luajtura në të gjitha garat deri më tani, ai ka shënuar edhe dy gola për Atalantan, ekip me të cilin ka kontratë deri në vitin 2026.
