Skuadra e Atalantas do të jetë pa Berat Gjimshitin në ndeshjen kundër Juventusit, që zhvillohet të martën mbrëma në kuadër të kampionatit italian.
Gjimshiti do të mungoj në këtë ndeshje për shkak të lëndimit që e pësoi në duelin e fundit ndaj Udineses, i cili përfundoi pa gola.
Mbrojtësi i Shqipërisë u largua nga fusha në minutën e 24-të pasi u përplas kokë me kokë me një lojtar kundërshtar por tek Atalanta kanë njoftuar se lëndimi i tij nuk është serioz.
Gjimshiti do ti mungoj Atalantas vetëm një ndeshje, pasi pritet të kthehet të shtunën në përballjen me Napolin.
31-vjeçari ka 25 paraqitje këtë sezon në të gjitha garat, ndërsa Atalanta është e treta në tabelë me 42 pikë të mbledhura pas 19 ndeshjeve të luajtura.
