22:01 Gjilani me mjaft mund fiton në ”Fadil Vokrri”
Gjilani ka arritur një fitore të rëndësishme në kuadër të ndeshjeve kualifikuese për Ligën e Konferencës. Kuqebardhët fituan me shifra 1;0 ndaj Liepaja në stadiumin “Fadil Vokrri”.
Gjilani ishte një ekip më i mirë se Liepaja gjatë gjithë pjesës së parë, duke e dominuar takimin por pa arritur të dërgojnë topin në rrjetë.
Ishte Dabiqaj që gjeti golin për gjilanasit, pas një asistimi fenomenalë nga Cale, në minutën e 38` të ndeshjes. Kështu 1:0 u mbyll pjesa e parë e këtij takimi.
Edhe në pjesën e dytë ekipi mysafirë arritën të rrezikonin në portën e gjilanasve. Por, në vend ishte Enea Kolici që bëri pritje fenomenale.
Edhe pse me rezultat minimale 1:0, Gjilani merr një fitore tejet të rëndësishme, përpara ndeshjes së kthimit që zhvillohet më 14 korrik, me fillim nga ora 16:00.
20:54 Gjilani shkon në pushim me epërsi ndaj Liepajas
Gjilani ka shkuar në pushim të pjesës së parë me epërsi prej 1:0 ndaj Liepajas në “Fadil Vokrri”.
Albert Dabiqaj ka shënuar golin e vetëm në minutën e 37-të. Ai realizoi me goditje me kokë.
Është kjo ndeshja e parë e raundit të parë kualifikues të Ligës së Konferencës.
20:42 Dabiqaj kalon në epërsi Gjilanin
Albert Dabiqaj ka shënuar për epërsinë e Gjilanit kundër Liepajës në kuadër të Ligës së Konferencës.
Mesfushori i skuadrës gjilanase realizoi në minutën e 37-të. Ai shënoi me kokë gol të bukur pas asistimit të Cales.
18:54 Formacionet zyrtare, Gjilani – Liepaja
Është publikuar formacioni i Gjilanit për ndeshjen kundër Lijepajas së Letonisë. Trajneri Zekirija Ramadani do të paraqitet me formacionin 4-2-3-1.
Ndeshja në mes të Gjilanit dhe Lijepajas nis në ora 20:00 dhe zhvillohet në stadiumin “Fadil Vokrri: në Prishtinë. Është ndeshja e parë e raundit të parë kualifikues të Ligës së Konferencës.
Në portë trajneri Ramadani ka angazhuar Enea Koliqin. Në qendër të mbrojtjes do të paraqiten Besart Krivanjeva dhe Arbër Prekazi. Në krahun e djathtë të mbrojtjes do të paraqitet Fabjan Beqaj, ndërsa në krahun e majtë Yll Hoxha.
Në qendër të mesfushës do të paraqiten kapiteni Albert Dabiqaj dhe Keita Razan, derisa më të avancuar janë Pereira Gomes në qendër dhe në dy krahët Baton Zabërgja e Shend Kelmendi. Në qendër të sulmit është Blerim Krasniqi.
Formacionet zyrtare:
SC Gjilani: Koliçi, Beqja, Prekazi, Krivanjeva, Hoxha, Dabiqaj, Aziz, Zabërgja, Gomes, Kelmendi, Krasniqi
FK Liepaja: Zviederis, Savalnikes, Hrjelic, Rodriguez, Radovic, Tarasovs, Kapun, Strumia, Santos, Mankenda, Dodo.
