Klubi i futbollit Gjilani i ka liruar dy futbollistë sot.
“Skifterat” kanë njoftuar përmes faqes së tyre zyrtare se me mirëkuptim, janë ndarë me futbollistët Arbër Mustafa dhe Eldonit Shaqiri.
“Në kërkim të hapsirave për të luajtur më shumë, klubi ka mirëkuptuar futbollistët dhe ka ndarë rrugën e bashkëpunimit. Sikurse Mustafa, po ashtu edhe Shaqiri ishin shembull i profesionalizmit dhe përkushtimit të treguar në punë. Gjilani i falenderon Arbërin dhe Eldonitin për kontributin e dhënë gjatë kohës sa ishin pjesë e klubit, ndërkohë që u uron shumë suksese në angazhimet e tyre të reja sportive”, njofton klubi gjilanas.
Gjilani pritet të përforcohet në ditët dhe në javët në vazhdim për ta pasur një pranverë më të qetë, pa rrezikuar që të bie nga Superliga.
Momentalisht kuqebardhët ndodhen në pozitën e gjashtë tabelare, me 21 pikë të mbledhura në 18 ndeshje të zhvilluara.
