Ballkani ka dërguar një kërkesë në drejtim të Komisionit të Garave për ta shtyrë ndeshjen me Gjilanin, e cila është e paraparë të zhvillohet të shtunën me datë 4 nëntor. Kërkesa nga Ballkani ka qenë që të shtyhet ndeshja për shkak të udhëtimit të gjatë që e ka skuadra suharekase për përballjen ndaj Astanës në Kazakistan.
Burime brenda klubit suharekas për Tëvë bën me dije se kërkesa është aprovuar dhe Ballkani do të jetë i lirë në ndeshjen që i takon xhiros së 12 në Superligë. Takimi mes Astana dhe Ballkanit do të zhvillohet më 9 nëntor, atje ku një fitore do të kishte vlerë të madhe për të drejtuarit e Ilir Dajës.
Para asaj ndeshjes, Ballkani do të përballet me Dritën, nesër me fillim nga ora 13:00.