Tifozët e Atletico Madridit kanë vendosur një kukull të varur me fanellë të sulmuesit të Real Madridit, Vinicius Junior, në një urë në kryeqytetin spanjoll. Mbi të është vendosur edhe një flamur ku shkruante “Madridi e urren Realin”.
Këtë akt të tifozëve të Atleticos e kanë dënuar edhe klubi i Atletico Madridit dhe La Liga po ashtu.
E gjithë kjo ngjarje vjen në prag të derbit të Madridit në çerekfinale të Kupës së Mbretit, që nis sonte në orën 21:00, dhe luhet në stadiumin “Santiago Bernabeu”.
Braziliani Vinicius Junior ishte cak i sulmeve raciste nga tifozët e ekipit rival kur për herë të fundit këto dy skuadra u takuan në muajin shtator. Ata kishin kënduar në kor “Vinicius është majmun”.
