Zëdhënësi i Qeverisë Federale të Gjermanisë, Steffen Hebestreit, ka deklaruar se është zhgënjyese përsëri që takimi i djeshëm në Bruksel nuk ka dhënë rezultate.
Hebestreit potencoi se pengesat e palëve në dialog nuk do to të lejojnë të dalin nga kriza.
“Shumë zhgënjyese që takimi i dialogut mes Serbisë dhe Kosovës ishte sërish i pasuksesshëm. Pengimi nuk do të na nxjerrë nga kriza. Dialogu i normalizimit i udhëhequr nga BE-ja është mënyra e vetme për një zgjidhje”, shkroi Hebestreit në “X”.
Ai theksoi se Gjermania do të vazhdojë të punojë intensivisht me partnerët e saj për zgjidhjen e dialogut.
Very disappointing that the dialogue meeting between #Serbia and #Kosovo was again unsuccessful. Obstruction will not get us out of the crisis. The EU-led normalization dialogue is the only way to a solution. Germany will continue to work intensively with its partners on this. https://t.co/EFVP8sVaRX
— Steffen Hebestreit (@RegSprecher) September 15, 2023
Lidhur me takimin e djeshëm në Bruksel, nga Bashkimi Evropian thanë se kryeministri i Kosovës, Albin Kurti, nuk ka qenë i gatshëm të ecë përpara, ndryshe nga presidenti i Serbisë, Aleksandër Vuçiq, i cili “e ka pranuar propozimin e tyre” për zbatimin e Marrëveshjes bazë për normalizimin e marrëdhënieve Kosovë-Serbi.
Shefi i politikës së jashtme të BE-së, Josep Borrell, i cili bashkë me të dërguarin e BE-së për dialog, Mirosllav Lajçak, ndërmjetësuan takimin, tha se Kurti ka këmbëngulur që të formalizohet, fillimisht, njohja de facto e Kosovës nga Serbia.
Kurti dhe Vuçiq, në konferenca të ndara për media, akuzuan njëri-tjetrin për mungesën e rezultateve nga takimi./teve1.info/
