Parlamenti gjerman, Bundestagu, ka votuar për të futur shërbimin ushtarak vullnetar, një hap për të forcuar mbrojtjen kombëtare pas sulmit të plotë të Rusisë ndaj Ukrainës, raporton BBC.
Të gjitha personat 18-vjeçarë do të marrin një pyetësor nga janari 2026 për të treguar nëse duan të bashkohen me ushtrinë. Forma do të jetë e detyrueshme për djemtë dhe vullnetare për vajzat.
Shumë të rinj gjermanë kanë njoftuar protesta në mbi 90 qytete, duke kundërshtuar ligjin. Organizatorët shprehen se nuk duan “të kalojnë gjysmën e vitit të jetës së tyre të mbyllur në kazermë duke mësuar të vrasin”.
Ministri i Mbrojtjes, Boris Pistorius, tha se të gjithë të rinjtë do t’i nënshtrohen një testi mjekësor nga korriku 2027 për të vlerësuar gatishmërinë për shërbim. Qëllimi është rritja e Bundeswehr-it (ushtria gjermane) nga 182,000 në 260,000 ushtarë deri në fillim të viteve 2030, me 200,000 rezervistë shtesë.
Shërbimi mbetet vullnetar, por, në rast se situata përkeqësohet, mund të vendoset shërbimi i detyrueshëm. Pagat për vullnetarët premtohen që do të jenë rreth 2,600 € në muaj.
