Gjermania, nën drejtimin e kancelarit të ri Friedrich Merz, po shqyrton mundësinë e vendosjes së një takse prej 10% për platformat gjigande si Google dhe Facebook.
Sipas agjencia e lajmeve Reuters fraksione politike në vend kanë bërë një marrëveshje për të vendosur taksa ndaj kompanive që ofrojnë shërbime dixhitale.
“Këto korporata gjenerojnë miliarda dollarë në Gjermani me marzhe fitimi të larta duke shfrytëzuar infrastrukturat vendase por nuk paguajnë asnjë taksë, nuk investojnë dhe i kthejnë mrapsht shumë pak shoqërisë,” kishte thënë Ministri Gjerman i Kulturës Wolfram Wimer gjatë një interviste për revistën Stern.
Vende të tjera në mbarë botën kanë eksploruar idenë e taksimit të të ardhurave gjeneruara online nga kompanitë e mëdha të internetit.
Britania, Franca, Italia, Spanja, Turqia, India, Austria dhe Kandaja kanë ligje të tilla që Gjermania po i propozon sot.
Nëse taksa miratohet, Gjermania mund të shohë një reagim nga administrata e presidentit Trump i cili paralajmëroi në shkurt se vendet që vendosin taksa ndaj kompanive amerikane të teknologjisë mund të përballen me tarifa ndëshkuese nga SHBA.
Nëse Gjermania e zbaton këtë taksë, ajo rrezikon një përplasje tregtare me Amerikën, që mund të ketë pasoja më të gjera ekonomike.
Rregullorja është ende në fazën e diskutimit dhe nuk është finalizuar, por përfaqëson një hap të rëndësishëm në përpjekjet e Gjermanisë për të taksuar ekonominë digjitale në mënyrë më të drejtë.
