Pesë policët e lënduar në ngjarjet e së premtes në veriun e Kosovës, me gjendjen shëndetësore janë mirë dhe pa ndonjë rrezik për jetë.
Kryetari i Sindikatës së Policisë së Kosovës, Imer Zeqiri, ka bërë të ditur dje, se ka vizituar Kampin e Njësive të Specializuara Policore në Belvedere, dhe është informuar për gjendjen shëndetësore të zyrtarëve policorë.
Në njoftimin për media thuhet se kryetari është informuar edhe për gjendjen e qetë të në veri, ku mes tjerash bëhet e ditur se Policia e Kosovës janë duke i kryer detyrat e tyre me profesionalizim të lartë.
“U informua se sot gjendja është e qetë dhe pa asnjë incident, kurse Policia e Kosovës janë duke i kryer detyrat e tyre me profesionalizëm të lartë sipas autorizimeve ligjore dhe kushtetuese. Sa u përket kushteve, u tha se policia janë të kompletuar me të gjitha pajisjet dhe mjetet e nevojshme logjistike për kryerjen e detyrave zyrtare”, thuhet në njoftim.
Tutje, thuhet se kryetari i Sindikatës ka vizituar edhe Drejtorinë Rajonale dhe Stacionin Policor të Jugut të Mitrovicës ku ka takuar zyrtarët policorë dhe eprorë, ku kanë diskutuar për kërkesat e tyre.
Situata në veri është tensionuar në mesditën e së premtes, si shenjë pakënaqësie nga serbët lokal pas betimit që kanë bërë kryetarët e komunave në Leposaviq, Zubin Potok, dhe Zveçan. /Teve1.info/
