L.K, 29-vjeç ka vdekur në Spitalin e Prizrenit të enjten ku ishte duke u trajtuar.
Policia ka bërë të ditur se gjendja e tij ishte përkeqësuar derisa ishte duke qëndruar në oborrin e Spitali.
Shaqir Bytyqi,zëdhënës i Policisë së Kosovës për rajonin e Prizrenit, ka thënë për teve1.info se rasti është duke u hetuar .
“Sot, më datë 24 korrik 2025, rreth orës 08:45, nga Spiatli Rajonal i Prizrenit është raportuar për vdekjen e një personi të gjinisë mashkullore, L.K., 29 vjeç, nga Prizreni. Viktima ishte duke u trajtuar në këtë institucion shëndetësor që nga data 23 korrik 2025. Sipas informatave fillestare, gjendja shëndetësore e personit është përkeqësuar derisa ndodhej në oborrin e Spitalit dhe përkundër përpjekjeve për ndihmë, ai ka vdekur.Njësitet përgjegjëse të Policisë kanë dalë në vendin e ngjarjes menjëherë pas marrjes së informatës. Pas përfundimit të ekzaminimit të vendit të ngjarjes, me urdhër të prokurorit, trupi i pajetë është dërguar në Institutin e Mjekësisë Ligjore për obduksion”, ka thënë ai.
