Një person ka mbetur i plagosur si pasojë e gjuajtjes me armë zjarri, pasditen e së shtunës në rrugën “Mark Sopi” në Prishtinë.
Policia, përmes raportit 24-orësh, ka bërë të ditur se viktima është dërguar për trajtim mjekësor në Qendrën Klinike Universitare të Kosovës (QKUK).
E, gjendja e tij për momentin është stabile dhe nga Emergjenca është dërguar në klinikën e Ortopedisë në QKUK, për trajtim të mëtutjeshëm.
Lajmin e ka konfirmuar drejtori i Emergjencës, Naser Syla, i cili ka theksuar se gjendja e pacientët të plagosur ka qenë stabile tërë kohën.
“Gjendja e pacientët të plagosur ka qenë stabile tërë kohën. Për trajtim të mëtutjeshëm ai është transferuar në Klinikën e Ortopedisë”, ka thënë Syla.
