Gjendet pa shenja jete një person në Pejë, pranë tij Policia gjen një pushkë gjuetie

Policia e Kosovës ka raportuar se një person është gjetur pa shenja jete, dje në rrugën “Vesli Klark” në Pejë.

Sipas raportit ditor, afër viktimës është gjetur dhe konfiskuar një pushkë gjuetie.

Ndërkohë, me vendim të prokurorit, trupoi i pajetë i viktimës është dërguar në IML për obduksion.

Policia bënë të ditur se ky rast është ende duke u hetuar.

“Rr. Vesli Klark, Pejë, 18.11.2023 – NN. Raportohet se është gjetur pa shenja jete viktima mashkull kosovar, ku afër tij është gjetur dhe konfiskuar një pushkë gjuetie. Me vendim të prokurorit, trupi i pa jetë i viktimës është dërguar në IML për obduksion. Rasti duke u hetuar”, thuhet në njoftim./teve1.info/