Një grua rreth moshës 76-vjeçare është gjetur pa shenja jete në banesën e saj në Mitrovicë, gjatë orëve të paradites së sotme.
Lajmin për Tëvë1 e ka konfirmuar zëdhënësi i Policisë së Kosovës për rajonin e Mitrovicës, Avni Zahiti.
Sipas tij, njësitë përkatëse policore kanë dalë në vendin e ngjarjes, ndërsa me urdhër të prokurorit kompetent është iniciuar rasti “Hetim mbi vdekjen”.
“Me urdhër të prokurorit kompetent është iniciuar rasti Hetim mbi vdekjen, ndërsa trupi i pajetë është dërguar në Institutin e Mjekësisë Ligjore (IML) për obduksion”, ka deklaruar Zahiti.
Autoritetet kompetente pritet të zbardhin rrethanat e plota të këtij rasti pas përfundimit të procedurave hetimore.
