Një 44 vjeçar është gjetur pa shenja jete, në vendin e tij të punës, pasditen e së martës, në rrugën “17 Shkurti” në Skenderaj.
Sipas Policisë, viktima dyshohet se ka pasur probleme shëndetësore, ndërsa vdekjen e tij e ka konfirmuar mjeku kujdestar në vendin e ngjarjes.
Me urdhër të prokurorit kujdestar, trupi i pa jetë është dërguar në Institutin e Mjekësisë Ligjore në Prishtinë për obduksion.
Ndërkaq, rasti është iniciuar “vdekje e dyshimtë” dhe hetimet për ndriçimin e plotë të rrethanave thuhet se do të vazhdojnë.
“Rreth orës 16:00, policia në Skenderaj është njoftuar se një person kishte probleme shëndetësore dhe gjendej i shtrirë në vendin e punës në rrugën ,,17 Shkurti” në Skenderaj. Është njoftuar emergjenca mjekësore dhe në vendin e ngjarjes kishte shkuar një ekip mjekësore dhe njësitë policore. Mjeku kujdestar ka konfirmuar vdekjen e personit në vendin e ngjarjes. Personi pa shenja jete është i moshës 44 vjeçare. Në vendin e ngjarjes kanë dalë hetuesit e Njësisë Rajonale të Hetimeve dhe të krim teknikës e poashtu edhe inspektorët e punës të cilët kanë kryer veprimet hetimore dhe procedurat e nevojshme ligjore. Me urdhër të prokurorit kujdestar, trupi i pa jetë dërgohet në Institutin e Mjekësisë Ligjore në Prishtinë ndërsa iniciohet rasti ,,Vdekje e dyshimtë” dhe hetimet do të vazhdojnë për ndriçimin e plotë të rrethanave të këtij rasti”, thuhet në njoftim.
