Një trup i pajetë është gjetur sot në lumin Drin në fshatin Krajk të komunës së Prizrenit.
Togeri i Policisë së Kosovës në Prizren, Shaqir Bytyqi bën të ditur për teve1.info se dyshohet se viktima është femër.
Siç bën të ditur ai, kufoma është gjetur nga peshkatarët që po peshkonin në atë pjesë.
“Rreth orës 15:40 Policia ka marrë informatë se se në lumin Drin në fshatin Krajk dyshohet se është gjetë një trup i pajetë. Patrolla policore ka shku menjëherë në vendin e ngjarjes edhe ka konstatu se në lum është gjetë një trup njeriu, dyshohet që të jetë femër, kufomë. Kufoma është gjetë nga peshkatarët që kanë qenë duke peshku aty. Momentalisht të gjitha njësitë policore janë në vendin e ngjarjes. Për momentin nuk është bë identifikimi i kufomës ende”, tha Bytyqi. /Teve1.info/
