Një makinë është gjetur e djegur në zonën e Bubqit. Ky mjet dyshohet të jetë përdorur në atentatin e “Don Boskos” mbrëmjen e së dielës ku mbeti e vrarë një grua aksidentalisht dhe u plagosën 5 të tjerë. Bëhet fjalë për makinë tip BMW.
Policia u sinjalizua për një automjet të djegur pranë Bubqit. Grupi hetimor shkoi në vendngjarje për të mbledhur prova të mundshme. Brenda mjetit të djegur dyshohet të jenët konstatuar edhe 2 armë zjarri kallashnikov.
Automjeti dyshohet që të jetë përdorur nga atentatorët në sulmin me armë që ndodhi në një lokal në rrugën “Skënder Kosturi” në “Don Bosko”.
Nga të shtënat mbeti i vrarë aksidentalisht banakierja Mimoza Paja dhe u plagosën Sahit Murati 50 vjeç, Astrit Meraj 42 vjeç, Emanuel Sala 47 vjeç, Ermir Bejuku 45 vjeç dhe Genc Shohalli 55 vjeç. Lokali ku ndodhi ngjarja është në pronësi të Fation Muratit, një personazh i njohur i botës së krimit. /tvklan.al/
