Është gjetur trupi i pajetë i një personi të nacionalitetit serb, i cili dyshohet se dy ditë më parë kishte rënë në kanalin e Ibrit, në fshatin Zupq.
Për teve1.info, zëvendëskomandanti i Policisë rajonale të veriut, Veton Elshani, ka bërë të ditur se pas rikërkimit të zhytësve të Policisë së Kosovës, është gjetur trupi i pajetë.
“Rreth orës 14:00 sot, kanë shkuar në vendin e ngjarjes, tre zhytës nga Policia e Kosovës dhe zhytës të tjerë, të cilët e kanë rifilluar kërkimin në zonën ku nuk kanë pasur mundësi të kontrollohet dje, sepse uji ka qenë i thellë dhe i shpejtë, ku pas kërkimit është gjetur trupi i pajetë i personit i cili është paraqitur i zhdukur para dy dite”, ka thënë ai.
Sipas Elshanit, dyshohet se vdekja e personit ka ndodhur aksidentalisht.
“Besohet që ka qenë aksidentalisht vdekja e tij, ka rrëshqit në kanal të ujit, ndërsa me urdhër të prokurorit trupi i tij shkon për autopsi”.
Elshani ka bërë të ditur se gjatë kohës kur është gjetur trupi i pajetë, në vendin e ngjarjes prezent ka qenë edhe ministri i Punëve të Brendshme, Xhelal Sveçla.
“Edhe ministri i punëve të brendshme ka qenë aty në vendin e ngjarjes, në kohën kur është gjetur trupi i pajetë”. /teve1.info/
https://teve1.info/lajmet/nje-person-dyshohet-se-ka-rene-ne-kanalin-e-ibrit/
