Një qytetar është gjetur pa shenja jete afër stacionit hekurudhor në Fushë-Kosovë, mesditën e së enjtes, raporton teve1.info
Sipas komunikatës së Policisë, në vendin e ngjarjes kanë dalë njësitet përkatëse ku edhe mjeku e ka konstatuar vdekjen e tij.
Me vendim të prokurorit, trupi i pajetë është dërguar në Institutin e Mjekësisë Ligjore për obduksion.
“Lagjja 28 , Fushë-Kosovë 08.02.2024-13:45. Është raportuar se një person gjendet pa shenja jete afër stacionit hekurudhor Fushë -Kosovë. Njësitë policore si dhe stafi mjekësor kanë dalë në vendin e ngjarjes dhe kanë hasur në viktimën mashkull kosovar, i cili ishte shtrirë në tokë. Nga mjeku kujdestar është konstatuar vdekja e tij. Me vendim te prokurorit trupi i pajetë është dërguar në IML për obduksion”, thuhet në raport të Policisë.
