Gjendet i vdekur një 71-vjeçar në Zojzë të Prizrenit

Një 71-vjeçar është gjetur i vdekur mëngjesin e sotëm në afërsi të një automjeti në fshatin Zojzë të Prizrenit.

Zëdhënësi i Policisë, Shaqir Bytyqi bën të ditur për teve1.info se viktima N.SH.., është nga fshati Smaç.

“Policia menjëherë ka shkuar në vendngjarje dhe nga aty është kuptuar se viktima, tani më pa shenja jete është N.Sh. 71 vjeçar nga fshati Smaç. Është njoftuar prokurori kujdestar dhe me urdhër të prokurorit trupi i pa jetë dërgohet në Institutin e mjekësisë ligjore në Prishtinë, ndërsa policia udhëzohet që të hap rast ‘Vdekje e dyshimtë’, bëri të ditur ai.