Lajmin për Teve1.info e ka konfirmuar zëdhënësi i Policisë për rajonin e Ferizajt, Kanun Veseli.
Ai tha se viktima është gjetur i vdekur nga familjarët në shtëpinë e tij.
“Sot, rreth orës 14:30 Policia Rajonale e Ferizajt ka pranuar një informacion se në rrugën ” Zenel Hajdini”,rrugica “Drenica” në Ferizaj është gjetur nga familjarët në shtëpinë e tij një person pa shenja jete me inicialet B.S ( M/K) i moshës 43 vjeçar. Vdekja është konfirmuar nga mjekët kujdestarë. Policët hetues dhe krimteknikët rajonal kanë dalë në vendin e ngjarjes për ta hetuar rastin. Janë intervistuar edhe familjarët e viktimës”, tha Veseli.
Sipas tij, me vendim të prokurorit kujdestar nga Prokuroria Themelore e Ferizajt, trupi i pa jetë është dërguar për obduksion në Institutin e Mjekësisë Ligjore në Prishtinë, ndërsa rasti është cilësuar “Hetim mbi vdekje”
