Një person pa shenja jete është gjetur të hënën në parkun “Karagaç” të Pejës.
Lajmin për tëvë1.info e ka konfirmuar zëdhënësi i Prokurorisë së Pejës, Shkodran Nikçi.
Nikçi ka bërë të ditur se në vendngjarje kanë dalë njësitet relevante të Policisë së Kosovës dhe prokurori i krimeve të rënda nga Prokuroria Themelore në Pejë.
Ai po ashtu ka njoftuar se po pritet të bëhet tërheqja e trupit të pajetë të viktimës për t’u dërguar në Institutin e Mjekësisë Ligjore për obduksion.
“Në parkun e qytetit, Karagaçi, është gjetur një trup i pajetë. Në vendin e ngjarjes janë Policia e Kosovës, përkatësisht njësitë relevante policore së bashku me prokurorin e Krimeve të Rënda dhe njëkohësisht pritet të bëhet tërheqja e trupit të pajetë të viktimës për t’u dërguar në Institutin e Mjekësisë Ligjore për obduksion”, ka thënë Nikçi.
