Pas tri ditësh kërkimi intensiv, është gjetur i gjallë N.M., nga Tejeci rreth 85-vjeçar, i cili ishte raportuar i zhdukur më 23 qershor në fshatin Gorozhup të Prizrenit.
Policia e Kosovës në raportin ditor ka bërë të ditur se i moshuari është gjetur nga ekipet e kërkim shpëtimit.
Ndërkohë, i 85-vjeçarit i është ofruar ndihma mjekësore e më pas është dërguar në Spitalin e Prizrenit për tretman mjekësor.
“Lidhur me rastin, me 25.06.2025 nga ekipet e kërkim shpëtimit, është gjetur viktima mashkull kosovar. Viktimës i është ofruar ndihma mjekësore e me pas është dërguar në Spitalin e Prizrenit për tretman të mëtutjeshëm”, thuhet në njoftim të PK-së./teve1.info/
