Një trup i pa jetë i një gruaje është gjetur në një objekt ndërtimi brenda oborrit të QKUK-së.
Policia ka bërë të ditur se informata është pranuar rreth orës 20:00 dhe se vdekjen e një personi të gjinisë femërore rreth 40-vjeç e kanë konstatuar ekipet mjekësore.
Agron Borovci, zëdhënës i Policisë së Kosovës për rajonin e Prishtinës , tha për teve1.info, se kanë filluar hetimet për zbardhjen e rastit edhe pse ka elemente që sugjerojnë por vetëvrasje.
“Rreth orës 20:00, është pranuar informata për një trup të pa jetë, në një objekt në ndërtim e sipër brenda oborrit të QKUK-së, në Prishtinë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar se, trupi i viktimës, femër, rreth 40 vjeç është pa shenja jete. Mbështetur në informacionet e para nga vendi i ngjarje, përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen dhe me kujdes të shtuar po analizon të gjitha rrethanat e kësaj ngjarje”, ka thënë ai .
