Punimet u ndërprenë dhe vendi u rrethua me shirita të sigurisë.
Kjo për shkak se në këtë lokacion në fshatin Livoq të Epërm të Gjilanit, janë gjetur disa mbetje mortore.
Policia ka nisur disa hetime për këtë rast.
Zëdhënësi i Policisë për Rajonin e Gjilanit, Ismet Hashani, konfirmon se këto eshtra nuk i takojnë luftës së fundit në Kosovë.
Me urdhër të prokurorit, këto eshtra u larguan nga vendi i ngjarjes.
Kryetari i Gjilanit, Alban Hyseni, tregon se në këtë vend në të kaluarën ka pasur varreza.
Prandaj, punimet në këtë zonë ai thotë se do të vazhdojnë.
Në të kaluarën, në këtë lokacion Hyseni tregon se janë kryer disa gërmime, për shkak të dyshimeve për mbetje mortore nga lufta e fundit në Kosovë.
Mirëpo, në asnjë prej rasteve nuk ka pasur gjetje.
