Të shtunën pritet të ketë vranësira të dendura dhe reshje shiu. Reshjet me intensitet mesatar deri të lartë, sipas IHMK-së, do të jenë në perëndim dhe veriperëndim të vendit, kurse pjesët tjera do të kenë intensitet të dobët e herë-herë mesatar.
“Temperatura më e ulët do të lëvizin ndërmjet 4 deri në 8 gradë Celsius, ndërsa maksimalet e ditës parashihen të lëvizin ndërmjet 11 deri në 14 gradë Celsius. Do të fryjë erë kryesisht nga ana e jugperëndimit dhe perëndimit me shpejtësi 1 deri në 8 m/s”, thuhet në njoftim.
Nga IHMK po ashtu, kanë bërë të ditur se të dielën do të mbajë mot kryesisht i vranët, por nuk parashihen reshje .
“Temperaturat minimale do të lëvizin ndërmjet 0 deri në 2 gradë Celsius , kurse maksimalet e ditës do të lëvizin 3 deri në 5 gradë Celsius. Do të fryjë erë e lehtë deri mesatare nga drejtimi i veriperëndimit”, thuhet më tej në njoftim. /Teve1.info/
