Gjashtë ushtarë sirianë u vranë të martën në sulmet me dronë izraelitë pranë qytetit al-Kiswah në jug të Damaskut, raportoi televizioni shtetëror sirian Al-Ikhbariya.
Transmetuesi tha se dronët izraelitë shënjestruan pozicionet e ushtrisë siriane në fshatrat e Damaskut.
Sipas raportimeve të cituara nga Anadolu, pas rënies së regjimit të Bashar al-Assad dhjetorin e kaluar, Izraeli ka nisur qindra sulme ajrore që kanë synuar vende dhe asete ushtarake në të gjithë Sirinë, duke përfshirë avionë luftarakë, sisteme raketash dhe instalime të mbrojtjes ajrore.
Izraeli gjithashtu zgjeroi pushtimin e Lartësive të Golanit sirian duke pushtuar zonën e demilitarizuar tampon, një veprim që shkeli një marrëveshje shkëputjeje të vitit 1974 me Sirinë.
Assad, udhëheqës i Sirisë për gati 25 vjet, iku në Rusi në dhjetor, duke i dhënë fund regjimit të Partisë Baath, e cila kishte qenë në pushtet që nga viti 1963.
Një administratë e re kalimtare e udhëhequr nga Presidenti Ahmed al-Sharaa u formua në janar.
