Samiti i Procesit të Berlinit ka një identitet të ri vizual, falë një ekipi të talentuar prej gjashtë dizajnerëve të rinj ngaBallkani Perëndimor. Ata janë përzgjedhur përmes një thirrjeje publike nga Zyra Rajonale për Bashkëpunim Rinor (RYCO), në partneritet me Ministrinë e Jashtme Federale të Gjermanisë, në qershor të këtij viti. Dizajnerët kanë punuar së bashku për të krijuar një logo që do të shërbejë si simbol i përhershëm vizual për këtë ngjarje prestigjioze, e cila mbledh çdo vit udhëheqës nga Ballkani Perëndimor, Bashkimi Evropian dhe institucionet e BE-së.
Ekipi që qëndron pas logos së re përbëhet nga Alkid Shuli nga Shqipëria, Rreze Guri nga Kosova, Amila Redžić nga Bosnja dhe Hercegovina, Lana Klenak nga Mali i Zi, Bojan Budjarovski nga Maqedonia e Veriut dhe MilanaRužić nga Serbia, nën mentorimin kreativ të Drejtorit Kreativ, Fisnik Ismaili.
Publiku do të ketë mundësinë të shohë logon e re në Samitin e Procesit të Berlinit, i cili do të mbahet në Berlin këtë tetor, si dhe në ngjarje të tjera të Procesit të Berlinit, përfshirë takimet ministeriale, forumet rinore të RYCO-së dhe aktivitete të tjera në kuadër të kësaj platforme bashkëpunimi ndërmjet Ballkanit Perëndimor dhe BE-së.
Kjo iniciativë për një logo të përhershme është pjesë e festimeve për shënimin e 10-vjetorit të Procesit të Berlinit, i cili u krijua në vitin 2014 për të promovuar bashkëpunimin dhe mbështetje për rrugën e Ballkanit Perëndimor drejtintegrimit në BE.
Në vitet e fundit, Procesi i Berlinit ka evoluar duke përfshirë Samitin si ngjarjen kryesore, përveç takimeve ministrore,forumeve dhe aktiviteteve të tjera. Që nga viti 2021, RYCO ka organizuar konkurse publike vjetore për zgjedhjen e logos së Samitit, me fitues individualë të njohur për dizajnet e tyre vizuale. Përpjekja ekipore e këtij viti për të krijuar njëidentitet vizual të përhershëm ka qenë vlerë e shtuar dhe ka forcuar bashkëpunimin rajonal në Ballkanin Perëndimor.
