Girona ka arritur një marrëveshje verbale për transferimin e portierit gjerman Marc-André ter Stegen në formë huazimi.
Pas dritës jeshile të dhënë nga vetë lojtari javën e kaluar, edhe marrëveshja mes klubeve është vendosur, ndërsa hapat formalë pritet të finalizohen gjatë kësaj jave.
Huazimi do të vlejë deri në muajin qershor, me ter Stegen që synon të ketë më shumë minuta në fushë.
Portieri gjerman dëshiron të luajë rregullisht për të qenë në formën më të mirë të mundshme para Kupës së Botës 2026.
Te Girona, ai pritet të ketë rol kyç dhe status titullari. Ky transferim shihet si një fitore për të dyja palët, si për klubin katalanas ashtu edhe për vetë ter Stegen, i cili kërkon vazhdimësi dhe ritëm gare.
