Për këtë, eksperti i ekonomisë, Safet Gërxhaliu tha se është një marrëveshje shumë e rëndësishme në aspektin ekonomik, politik, gjeostrategjik por më së shumti në aspektet sociale.
“Kjo marrëveshje është një dëshmi që dialogu nuk ka alternativë dhe duhet të jemi të përgatitur të vazhdohet në këtë mënyrë. Por, besoj se është një marrëveshje e arritur e cila ka në vete rëndësi shumë dimensionale. Është shumë e rëndësishme në aspektin ekonomik, politik, gjeostrategjik por mbi të gjitha është e rëndësishme në aspektin sociale”, tha ai në emisionin “Ditari”
I pyetur në qoftë se serbët e veriut duhet të bëjnë kthimin e mjeteve për mos pagimin e energjisë elektrike tash e 2 dekada, Gërxhaliu tha se kjo çështje duhet të jetë pjesë e marrëveshjes gjithëpërfshirëse.
“Një dukuri e tillë duhet të jetë pjesë e marrëveshjes gjithëpërfshirëse. Mirëpo pas bllokimit të dialogut besoj që është një hap që e kthen shpresën e humbur në dialog për normalizim apo për njohje reciproke Kosovë – Serbi”, tha ai në Tëvë1.
Sipas Gërxhaliut zbatimi i kësaj marrëveshje është një moment i ri dhe i kthesës që duhet të mbështetet dhe të shikohet me pozitivitet në Kosovë./Tëvë1.info.
