Në një konferencë për media, Gervalla tha se e ka krahasuar versionin e ambasadorit Berishaj me Slloveninë, Kroacinë, sipas saj Berishaj vazhdon punën.
“E kam takuar, që atëherë më ka raportuar me shkrim versionin e tij. E kam krahasuar versionin e tij me Slloveninë, Kroacinë etj. Ambasadori Berishaj vazhdon punën. Nëse në të ardhmen jo vetëm për Berishajn, por për cilindo ambasador do të konstatojmë shkelje ligjore, natyrisht që do të marrim masa”, është shprehur Gërvalla gjatë një konference për media të martën.
Ndryshme, ambasadori i Kosovës në Kroaci, Martin Berishaj është akuzuar për përfshirje në një skandal financiar. Për aferën ndaj Bershajt kanë shkruar mediat sllovene. Ishte mediumi “Planet TV”, i cili raportoi për aferën financiare të kryetarit të partisë Lëvizja për Liri, Robert Golob, i cili është duke u hetuar ndërkombëtarisht për disa transaksione që i ka dërguar nga një degë serbe e furnizuesit energjetik slloven GEN-I, te kompania e ambasadorit kosovar, MB Consulting. Kompania MB Consulting e Berishajt supozohet se ka marrë 600 mijë euro, të cilat janë tërhequr vazhdimisht në para të gatshme. Këto pretendime i ka mohuar vetë ambasadori Berishaj. /teve1.info/
