Ministrja e Punëve të Jashtme dhe Diasporës, Donika Gërvall, ka shprehur ngushëllime për tragjedinë që ka ndodhur dje në një shkollë të Beogradit, ku një 14-vjeçar me i ka vrarë tetë nxënës dhe rojën e shkollës.
Ministrja ka uruar shërim të shpejtë për të lënduari, duke shpresuar që tragjedi të tilla të mos përsëriten kurrë.
“U dërgojmë ngushëllimet tona më të thella familjeve të 9 të vrarëve, mes tyre 8 fëmijë, viktima të të shtënave masive në një shkollë në Beograd. I urojmë shërim të shpejtë të lënduarve dhe shpresojmë që tragjedi të tilla të mos përsëriten më kurrë”, thuhet në reagim të postuar në Twitter.
Tetë fëmijë dhe një roje u vranë mëngjesin e së mërkurës në një sulm të armatosur nga një nxënës 14 vjeç në shkollën fillore “Vladislav Ribnikar” në qendër të Beogradit. Gjashtë nxënës dhe një mësuese u plagosën, ndërsa sulmuesi u arrestua. /teve1.info/
